ബിർള ഹൗസിന്റെ മുറ്റത്തുള്ള പുൽത്തകിടി.
അവിടെങ്ങനെയോ മുളച്ച
ഒരാൽച്ചെടി.
പോഷകാഹാരക്കുറവുകൊണ്ടാകണം,
ശുഷ്കിച്ച് വളർച്ച നിലച്ചു പോയ അവസ്ഥയിലായിരുന്നു അത്.
പ്രത്യേകിച്ച് പുതുമകളൊന്നുമില്ലാതിരുന്ന
ഒരു ജനുവരി മുപ്പതാം തീയതി:
വൈകീട്ട് കൃത്യം 5: 17 ആയപ്പോൾ
ആ പാവം ചെടിയുടെ മുഖത്തേക്ക്
ഏതാനും ചുടുരക്തതുള്ളികൾ തെറിച്ചുവീണു.
പിറ്റേന്ന് മുതലാണത്
തഴച്ചു വളരാൻ തുടങ്ങിയത്
